Partîya Çepe ya Ewropa (European Left) bi eşkerayîyêke sereştişê polîsan ê vera Stêrk TV û Medya Haber TVyî bi tûjî şermezar kerd. 

Partîya Çepe ya Ewropa (European Left) vat: ''Nê sereştişî teyna krîteranê azadîya çapemenîye ney krîteranê huqûqî yê Ewropa û Belçîka zî binpay kenê. Nê sereştişî bi armancê bêvengkerdişê kurdan ameyî kerdene. Balkêş o ke nê sereştişî Roja Rojnamegerîya Kurdan û zîyaretê selahîyetdaranê tirkan ra dima qewimîyayê.

Medyaya kurdan seba mîlyonan kurdan xebitîyena. Hêrişê vera medyaya kurdan nêna qebulkerdene. Sey Partîya Çepe ma erjanê demokratîkan pawenê û nê hêrişan şermezar kenê.

Ma selahîyetdaranê Belçîka ra wazenê ke derheqê na babete de çarçewa hesabdayîşî de eşkerayîyêka hîra bidê. Seba pawitişê azadîya medya û vergirewtişê serebûtanê winayênan tedbîrî şert ê. Ma paştî danê medyaya kurdan. ''