Gerîlayanê YJA-Starî Azadîye Koçer, Devrîme Şirnex û Vîyane Botan bi wesîleya serrgêra 29. ya şehadetê Bêrîtane Stêrk Tvyî rê qisey kerd. Gerîlayan pare kerd ke ê pê ruhê aye ver bi serkewtişî şinê.

Gerîlayan vat:

Azadîye Koçer: Bêrîtane xeta ma ya xoverdayîşî ya. Ma sey hêzanê YJA-Starî rêçê aye ser o şinê. Xoverdayîşo ke aye serranê 90an de vera xeta xiyanetî mojnabi ewro mewzîyan de hetê embazanê ma ra yeno mojnayene. Ruhê ê çaxî xo tekrar keno. Ma do pê ê ruhî şer bikerê û ser bikewê.

Devrîme Şirnex: Şexsê Bêrîtane de krîterê welarperwerîye newe ra gandar benê. Xeta aye ya xoverdayîşî bîye meşaleya destê ma. Aye vera hişmendîya ke cinîyan rê amebî ferzkerdene şer kerd. Ma do pê ruhê Bêrîtane şer bikerê û cewab bidê xeta xîyanetî. Ma do qetî nêrê teslîmgirewtene.

Vîyane Botan: Cesaretê Bêrîtane zaf tesîrê mi kerd. Pê tesîrê aye ez tewra gerîlayan bîya. Ewro bi hezaran gerîlayê cinîyî xeta Bêrîtane de xo ver danê. Çalakîya Heftanînî ya embaz Rustemî rayîrêkê xoverdayîşî bîye. Ez sey gerîlayêka YJA-Starî xeta Bêrîtane de têkoşînê xo pîl bikera. Ma do qetî milê xo nêarê war.