Wan de multecîya îranije Z.N. rê wezîfedaranê asayîşî İ.H.K., Y.V.  û kesê bînî tecawuz kerdbi. Roniştişo verên ê dewaya tecawuzî teşrîna peyêne ya 2020î de amebi kerdene. Roniştiş de eşkera bibi ke  Z.N.  GGMyo ke tede maruza tecawuzî bîya, tede 4 mengan menda. Z.N. dima erşawîyavî Merkezê Çimdarî û Vergirewtişê Şîdetî yê Wanî (ŞONIM).

Avûkatanê Z.N. Ebru Demîrtepe û Mahmut Kaçanî waşt ke muwekîla xo bivînê la selahîyetdaranê ŞONIMî avûkatî asteng kerdî. Avûkatan gerreyê selahîyetdaran kerd û waştişnameyê xo de îfade kerd ke hetkarê mudirî yê ŞONIMî nêverda ê muwekîla xo bivînê.