Gerîlayanê YJA-Starî yê ke Hemleya Şorişgêre ya Cengê Xabûrî de bi wesîleya serrgêra 44. ya ronayîşê PKKyî ANFyî rê qisey kerd.

Gerîla Dîrene Sema vat: ''PKK gandarbîyayîşê kurdan o. Ma sey gerîlayan ê cinîyan ê PKKyî pê armancê azadîye têkoşîn kenê. Ma çeperan de pê ruhê Kemal Pîr, Sarayan, Bargiran, Esmer û Zelalan şer kenê. PKK têgêrayîşêkê azadîye yo û seba pêro merdimîye têkoşîn keno. Ma qerardar ê ke îşxalê vera erdê ma werte ra wedarnê û bi azadî biciwîyê.''

Gerîla Solîne Ararat vat: ''PKK têgêrayîşêko global û tarîxî yo. Cinîyî mîyanê PKKyî nasnameyê xo yê azadî şinasnenê. Ma do sey hêzanê YJA-Starî bi ruhê 27ê Teşrîna Peyêne têkoşînê xo rê dewam bikerê. Ma îdîa kenê û qerardar ê ke Hemleyanê Cengê Xabûrî û Bazanê Zagrosî de bi ruhê 27ê Teşrîna Peyêne şorê serê dişmenî.''

Gerîla Axîne Gabar vat: ''PKKyî reformêk awan kerd, Raybr Apoyî bingeyê PKKyî de azadîya cinîyan ronaye. Serra newîye ya PKKyî de armancê ma serkewtiş o. Ma do xeta ke Rayberîya ma teslîmê cinîyan kerda wayîrê ci vejîyê. Erko esas ê YJA-Starî wayîrvejîyayîşê Rayber Apoyî yo û ma do ey azad bikerê. Ma do heta peynî xeta azadîye de têkoşîn bikerê.''