Platformê Cinîyan ê Anqara serrgêra vînîkerdişê Gulîstane Doku de çalakîyêke organîze kerd. Polîsan hêriş kerd û xeylêk kesî destbend kerdî.

Çalakîya ke ameye waştene ke verê Şaredarîya Çankaya de bêro kerdene polîsan bi bahaneyê janî destûr nêda. Cinîyan ke slogana Gulîstane Doku ha çada eşte raştê hêrişê polîsan ameyî. Hêrişî de muxabîra Jinnewsî Habîbe Eren û Oznur Deger û rojnamagera serbeste Eylule Denîz yaşa bi îşkencekerdişî ameyî destbendkerdene. Muxabîrê MA hêrişê polîsan ra barê xo girewt û dest nîya kartê ci çapemenîye ser. Cinîyê ke ameyî destbendkerdene nîno zanayene ke sera berdî.

Cinîyê ke ameyî destbendkerdene nameyê înan wina yê: Betule Koca, Hulya Yildirim, Buşra Gerçek, Heline Balli, Fatma Kiliçaslan, Sude Sivri, Yelda Ozturk, Denize Akbiyik, Leyla Mavili, Beste Uymaz, Zeynep Ulger, Habibe Eren, Oznur Deger, Yaren Tuncer, Yarenur Çetin, Zeynep Kurt, Selda Kondakçi.