Çalakîya vera betalkerdişê Peymana Îstanbulî de 33 cinîyî ameybî destbendkerdene û dima vera dîyabî. Roniştişê dewaya cinîyan Mehkemeya Cezaya Aslî ya Anqara de dest pêkerd.

Roniştişê verî polîsan dormeyê edlîye girewt binê ablûqa. cinîyan waşt ke eşkerayîye bidê la polîsan hêrişê înan kerd û 20 cinîyî destbend kerdî.

Cinîyan vera hêrişî nêrazîbîyayîşê xo mojna û vat: ''Tîya de êyê ke yenê muhakemerdene ma nê muhakemekerdişo camêrd o. Ma sey cinîyan peymane do bîyarê ca.''

Polîsan tîya de zî oê gazê îsotî hêrişê cinîyan kerd. Wekîla HDPyî Semra Guzel polîsan ra reaksîyon mojna la polîsan tira vat 'vengê xo bibirne' û reyna hêrişê ci kerd.

Rojnamegerî zî maruzê hêrişê polîsan mendî. polîsan dest na telefonê muxabîra Jinnewsî Dîlane Babat û eşt war. Polîsan pê copî muxabîrê Ajansê Mezopotamya (MA) derbe kerd.

Dewa de muxabîra MA Eyleme Akdag, avûkatî zî tede 33 cinîyî muhakeme benê. Wekîlê HDPyî Fîlîze Kerestecîoglu, Zuleyha Gulum û Semra Guzel tewrê roniştişî bîyî.
Avûkatan bale ante ser ke 33 cinîyî pê şîdetî ameyî destbendkerdene û pawitiş red kerd.

Roniştiş dewam keno.