Meclîsanê cinîyan ke badê qetilkerdişê Aline Sonmez, Selda Taş û Vesîle Donmez Anqara de waşt verê Şaredarîya Çankaya de bêrê têhet raştê hêrişê polîsan ameyî.

Eşkerayîya ke bi şîarê ma vera qetilkerdişê cinîyan bêveng nêmanenê ameye organîzekerene, polîsan destûrê ci nêda. Polîsanê tirkan ke janê Korona sey bahaneyî ramojna hêrişê cinîyan kerd û 7 kesî destbend kerdî.

Seba ke asayîşî talîmat dabi ke wa çapemenîye fotografan meanco, polîsan hêrişê rojnamegeran zî kerd û warê çalakîye ra fînayî dûrî.