Qezaya Kercewsî ya Êlihî de selahîyetdarê dewlete zî tede 27 kesan tecawuzê domanêke kerd. Serebût Wan de hetê TJA ra ame protestokerdene.

Aktîvîstê Têgêrayîşê Cinîyan ê Azadan (TJA), îdarekarê HDPyî yê Wanî û Wekîlê HDPyî yê Wanî Murat Sarisaç zî tewrê protestoyî bîyî û vere bînaya HDPyî de ameyî pêser.

Girseyî waşt ke eşkerayîye bido la polîsan dormeyê girseyî girewt û destûr nêda. Polîsan pê Murat Sarisaçî zî heqaret kerd.

Girseyî rixmê polîsan xîret kerd ke eşkerayîye bido la polîsan bi copan hêrişê ci û muxabîranê Mezopotamya û Jinnesw kerd. Polîsan waşt ke kamera û makîneyanê fotografan bigêrê. Girseyî verê bînaya HDPyî pawitişê xo rê  dewam kerd.

Badê pawitişî verê banê HDPyî de eşkerayîye ameye dayene. Eşkerayîye de bale ameye ser antene ke wextê hukamtê AKPyî de seba ke ê paştî danê hêrişakaran tecawuz û qirkerdişê vera cinîyan dilab-hîrlab zedîyeyo û ame vatene ke heta vergirewtişê şîdetê serê cinîyan û doman û wardayîşê îqtîdarî do têkoşînê înan dewam bikero.

Çalakîye bi slogana '' Ma so bi xovrdayîşî ser bikewê'' qedîyaye.