Polîsan hêrişê şayîya 8ê Adare kerd
Polîsanê tirkan hêrişê Şayîya Beyazidî ya 8ê Adare ya wendekaranê Zanîngehê Îstanbulî kerd û xeylêk wendekarî bi îşkenceyî destbend kerdî.
Wendekaranê Zanîngehê Îstanbulî waşt ke Meydanê Beyazidî de Şayîya 8ê Adare bikerê. Wendekarî bi sloganan bînaya zanîngehî ra vejîyayî la polîsan dormeyê nînan girewt.
Wendekaran bi sloganan ablûqaya polîsan protesto kerde.
Polîsan hêrişê wendekaran kerd û xeylêk wendekarî bi îşkenceyî destbend kerdî. Polîsan nêverda ke rojnamegerî dîmananê hêrişî bigêrê.
