Merkezê Heqanê Merdiman ê Cenevre, Torra Paştdayîşî ya Serewedaritişî, Merkezê Komelê demokratîkî yê Kurdan ê Cenevre û Sendîkaya Wendekaran ê Cenevre pîya Zanîngehê Cenevre de Konferansê ‘Vengdayîş û Înîsîyatîfê Abdullah Ocalanî’ serûber kerd.

Endama KNKyî Nîlufere Koç û Raportoranê NYyî ra Prof. Miloone Kothari konferans de qisey kerd.

Hêverî Avûkat Olivier Peterî qisey kerd û îfade kerd ke Rayber Apo û Têgêrayîşê Azadîye yê Kurdan seba çareserîya meseleya kurdan prosesêkê tarîxî de yê. Peterî vat: ‘’Edalet bê haştîye nêbeno.’’

Nîlufere Koç pare kerd ke kurdan seba haştîye û azadîye bedelê giranî dayê û vat: ‘’Vengdayîşê Haştîye û Komelê Demokratîkî ser o PKKyî kongreya xo arê daye û bira xofeshkerdişî daye. Rayber Apo wazeno paradîgma û fikrê ci bikewê dewre. Ganî Rayber Apo azad bibo û pêro safhayanê nê prosesî de bieşko bi serbestî qisey bikero. Coka ma zî kampanyaya ‘Ez wazena Abdullah Ocalanî zîyaret bikera’ daye destpêkerdene.’’

Prof. Miloone Kothari bale ante ser ke aye kitabê Rayber Apoyî wendê û nînan ra fam kerdo ke Rayber Apo lîderêko enternasyonel o. Miloone vat: ‘’Konfederalîzmo Demokratîk o ke berhemê Rayber Apoyî yo seba pêro dinya nimûneyêka girîng a. Girîngîya ke Rayber Apoyî dana ekolojî meseleyanê bingeyînan çareser kena. Derheqê şîdetî de tewirê Ocalanî û Mahatma Gandhiyî maneno pê. 

Têgêrayîşê Azadîye yê Kurdan û têgêrayîşê komelkî yê Hîndîstanî ganî têkilîyanê mabênê xo xurtêr bikerê. Ganî bi raportoranê taybetan û organanê peymane yê Nyyî dîyalogan bikerê û firsendanê NYyî bişuxilnê. Ewro dinya de seba lîderîya globale kêmasîye est a. Mi kitabê Ocalanî wendî, Têgêrayîşê Kurdan nêzdî ra ercna û mi dî ke Abdullah Ocalan seba lîderîya globale nimûne yo. O lîderêko enternasyonel o ke ganî ma verê xo bidê ci.’’