Programê Meclîsê Cinîyan ê HDPyî yê 25ê Teşrîna Peyêne ke do 12 şaristanan de bêro kerdene, ame eşkerakerdene. Çewlîg de bi tewrbîyayîşê wekîle Gulîstane Kiliç Koçyîgît do şayîyêke bêro kerdene.
Meclîsê Cinîyan ê HDPyî programê xo yê 25ê Teşrîna Peyêne Roja Têkoşînê Vera Şîdetê Serê Cinîyan a Mîyenneteweyîye yo ke do 12 şaristanan de bêro kerdene, eşkera kerd.
Çarçewa aktîvîteyanê 25ê Teşrîna Peyêne de do pîya bi platform û rêxistinan cinîyan rayraşîyayîşê hemparî, xebatê xoserî, eşkerayîye, aktîvîteyê kuçeyan, pêramotişê sînevîyonî, panel, semîner, zîyaretkerdişê taxe û dewan bêrê kerdene.
Nînana pîya 25ê teşrîna peyêne de Amed, Çewlîg, Mêrdîn, Êlih, Wan, Adana, Mersin, Ankara, Îstanbul, Eskîşehîr, Kocaelî û Îzmîr de bi tewrbîyayîşê wekîlan do aktîvîteyî bêrê kerdene. Çewlîg de do saete 12.00 de banê HDPyî de bi tewrbîyayîşê wekîle Gulîstane Kiliç Koçyîgît şayîyêke bêro kerdene.
