Qezaya Qaxizmanî ya Qersî de, dewaya hêrişê zayendîyî yo ke hemverê cinîyêka 23 serrî ya ke mezgî ra astengdar a ameyo kerdene de, qeraro bi sebeb ame dayene.

Roniştişê dewa Mehkemeya Cezaya Girane ya Qersî ya 1’ine de bica ame û tepişteyan ra maya D.Î. ya astengdare S.Î., xala aye E.Î. û heman wextî de M.D., A.Ş., B.A., E.Ş., F.A., M.T., T.Ç., M.A., S.B., V.G. û C.B. amade bîyî. Versûcan sûcdarîyî qebûl nêkerdî û waştî ke bêrê veradayene. Versûcan rê 17 serî û 6 mengî ra heta 30 serrî cezaya zîndanî ameye dayene.

Ame zanayene ke maye û xala D.Î. ya mexdûre, bi bedelê pereyan de D.Î. Vista mîyanê fuhûşî û seba ke D.Î. hetê mezgî ra astengdar a, îdîaya ke vatêne ‘bi waştişê xo têkilîya zayendî kerda’ nêamî qebûlkerdene.

Heyetê mehkema 30 serrî da maye û xala aye S.Î. û E.Î. Versûcanê bînan ra C.B., A.Ş., B.A., E.Ş., F.A., M.T., T.Ç., M.A., S.B., V.G.’yî rê 21 serrî û M.D.’yî rê zî 17 serrî û 6 mengî cezaya zîndanî ameye dayene.

Keyeyê cinîya astengdare Sibat a 2018’î de keynaya xo berdebî doktor û ûca eşkera bibi ke diganî ya. Cinî D.Î. ya ke raporê aye yê se ra 50 mezg ra astengdarî esto, bi rayîrê psîkologan îfadeyê xo dabi. Netîce de rîyê hêrişê zayendîyî û îstîsmarkerdişî ra maye û xala aye zî tede 27 kesî ameybî destbendkerdene. Cinîya ciwane amî pawitene û 8 kesî ameyî tepiştene.