Şaristanê Kerkûkî yê Başûrê Kurdîstanî de sîyasetmedare Firyale Silêman (Zelale Zagros) netîceya suîkastî de amebî qetilkerdene. Cinîyan ê têkoşeran û endamanê Partîya Azadîya Cinîyan derheqê babete de ANFyî rê qisey kerd.

Endama Encumenê Temsîlkarîya PYDyî ya Başûrê Kurdîstanî Yerîvane Mihemed qetilkerdişê cinîyan şermezar kerd û vat: ''Her cinîya ke vengê xo vejena û rêxistinkerde ya raştê gefê kiştişî yena. Ma venga pêro cinîyan danê ke estbîyayîşê xo bi rêxistin bikerê û xo perwerde bikerê. Ma xo vîr a nêkerê ke teyna vera cinîyan ê Rojawanî ney vera pêro cinîyan ê kurdan gefê kiştişî est o. Ganî ma nê gefan çin bikerê.''

Endama Komîteya Rayberdişî ya Têgêrayîşê Azadîye Tara Reza dîyar kerd ke bi qetilkerdişê Firyale ameyo waştene ke cinîya azade bêra çinkerdene û vat: ''Embaze Zelale seba ke sîyasetmedarêka kurde bîye ameye qetilkerdene. Başûrê Kurdîstanî bîyo warê qetilkerdişê cinîyan. La qetilkerdişê cinîyan çend bizêdîyê zî ma do têkoşînê xo hende pîlêr bikerê.''