Hemsereka Meclîsê Til El Şayîrî yê Kantonê Hesekê Seda Feysel El Hermas û Hetkara ci Hinde El Xidar 22ê çeleyî de ameybî remnayene û bi hawayêkê barbarî ameybî qetilkerdene. DAÎŞî dima no qirkerdiş girewt xo mil.

Qirkerdişê Hemsereka Meclîsê Til El Şayîrî Sela El Hermas û Hinde El Xidêr Minbic û Sirînê de ame protestokerdene.

Sirînê

Rayberîya Kongreya Starî de bi çalakîyêke qrkerdş ame protestokerdene. Çalakîye de endama Edaletê Cinîyan Feleke Yusif qisey kerd û qirkerdişê cinîyan şermezar kerd. Feleke Qirkerdişê Parisî û şehadetê Hevrîne Xelef vist vîrî û var ke Rojawan pê cinîyan dest pêkerd û do pê cinîyan ser bikewo. Çalakîye bi sloganan qedîyaye.

Minbic

Rayberîya Meclîsê Cinîyan ê Minbicî de xeylêk cinîyan bi çalakîyêke qirkerdişê Deşîşa û Til Rifatî şermezar kerd. Çalakîye de fotografê 2 cinîyan ê îdarekaran ameyî akerdene û eşkerayîyêke ameye wendene.

Eşkerayîye sûcê dewleta tirke û DAÎŞî yê vera cinîyan ameyî şermezkerdene. Eşkerayîye de ame parekerdene ke Cinîyê Rojawanî nê hêrişan ra nêtersenê û ê do erdê xo de bi rûmetê xo biciwîyê.

Girê Sipî

Girê Sipî de zî reyna rayberîya Kongreya Starî de qirkerdiş bi eşkerayîyêke ame şermezarkerdene. Eşkerayîye de ame vatene ke DAÎŞ cinîyan keno hedef û wazeno îradeyê cinîyan ê têkoşeran bişikno. Eşkerayîye de venga pêro cinîyan ame dayene ke vera nê qirkerdişan wa tewrê têkoşînê azadîye bibê.