Wan de serkêşîya Têgêrayîşê Cinîyan ê Azadan (TJA) de bi slogana ''Cinîyî ver bi azadîye şinê'' rayraşîyayîş ame organîzekerdene. Hemsereka Pêroyî ya DBPyî Çîgdeme Kiliçgun Uçar zî tede bi seyan cinîyî Kuçeyê Sanatî de ameyî têhet.

Polîsan kerd ke verê rayraşîyîşî bigîrê. Cinîyan bi sloganan nêrazîbîyayîş mojna. Polîsan hêrişê cinîyan kerd wekîlî zî tede xeylê cînîyî birîndar kerdî, erdî ra kaş kerdî û destbend kerdî.

Derûdorî ra şarî vera şîdetê polîsan bi sloanan nêrazîbîyayîş mojna û girseyî Kuçeyê Cumhurîyetî de dest pê çalakîya roniştişî kerd.

Çalakîya roniştişî saetêke dewam kerd. Dima ra wekîlan pîya bi şarî dest pê rayraşîyayîşî protestoyî kerd. Ciwanan xeylê kuçeyan de rayraşîyayîş kerd.