Kongreya 12ine ya PKKyî de ya ke mabênê tarîxanê 5-7ê gulane de ameye kerdene. Şehadetê Ali Haydar Kaytan (Fuat Ali) yo ke ronayoxanê PKKyî ra yew o, ame eşkerakerdene.

Cuye bi rêçan dekerde ya

Dem ge-ge bêveng yeno ciwîyayene

Peyê mana de dekerde zî yeno ciwîyayene

Ê ke demê xo bi mana kenê pirr

Xo dima hîkayeyan verdenê

Ê ke emrê xo semedê heqîqetî danê

Dewrîşê ke veng kenê demî 

Çîyê ke înan ra dima manenê

Sey nameyê înan ê neweyan zeliqîyenê demî ro

Tarîxê nêm seserre yê kurdan tarîxê hîkayeyanê dekerdeyan o ke dem, herre, wîjdan û zîhnî neqişnayî

Bi bimbarekîye, qehremanîye, fedakarîye pirr o

Hîkayeyê bi hezaran na herre de nimite yê

Ali Haydar Kaytan vernîya na hîkayeye de yo ke ke cuye manadar kena

Ronayox, rayber, kiriştoxê emrêkî xo feda kerdo

Dewrêko hezar serre yo ke peyê heqîqetî de vazdano

Şovelyeyê zerrîwaştî yêz demê qedîmî ke semedê bimbarekîyanê xo çeke girewto

Gerîlayêko  semedê yew cuyaya azad verê xo dayo koyan

Û  şorişgêro kîlîtê koyan ke vînî bîyo newe ra dî û kerd destê şarê xo...

Ali Haydar Kaytan şewa destpêkê serra 1951î de dewa Xozu ya Dêrsimî de ame dinya. Keyeyê ci dewa Hengirvanî ra bi. Badê Terteleyê Dêrsimî keyeyê ci reyna agêra dewa xo Hengirvanî.

Terteleyê Dêrsimî

Eşîrê Haydaran ra bi ke,  wextê Terteleyê Dêrsimî de teslîm nêbi, çeke girewt, xover da û surgun de ciwîya. Domanîya ci bi zordarîye û feqîrîye ravîyarte. Dima ra 1971 de Fakuleteyê Zanîstanê Sîyasalî yê Anqara de şorişgêrî nas kerdî.

O bi xo  nê serran sey  merhaleya verê şorişgerîye name keno:

''Tirkîyaya serranê hewteyan de têgêryaîşê ciwananê şorişgêran aktîf bi û ma zî binê tesîrê ci de mendênê. Bitaybetî nameyê Deniz Gezmiş û Mahir Çayanî sembol bî. Ê serran de hema mi Rayberîye nêsarisna bi û qala ci ameyêne kerdene. Wendekaranê tewr serkewteyan ê mektebî ra bi. Badê çalakîyêka protestoyî ame tepiştene û 7 mengî Zîndanê Leşkerî yê Mamak de mendbi. Rojanê ke newe zîndan ra vejîya bi, ma yewbînî sarisna. Rayberîye vat o wazeno mi de qisey bikero. Qiseykerdişê 2-3 saetan de mi raştîya kurd û Kurdîstanî de ard têrî.''

Na hadîse bîye gama verêne ya rayravanîya heqîqetî ya Ali Haydar Kaytanî. Dima ra Kemal Pir û Haki Karerî sarisneno.

Kombîyayîşê Awbendê Çubukî

''Ez vana qey peynîya adare û verînîya nîsana 1973yî bi. Ma verê awbendê Çubukî de tay embazî ameyî têhet. Rayberîye ma de fîkrê xo pare kerdî. Ma perûne heq da fîkran ê ci. Ey vat ma sey grûbêka îdeolojîkî têbigêrê û berpirsîyarîyî barê ma kerdî. Goreyê nê ma her yewî gerek kesê neweyî tewrê grûbe bikerdêne.''

Badê nê kombîyayîşî hûmara grûba Apoyîyan zêdîyaye. Nîsana 1977î de  xebatî kirişîyayî Kurdîstanî. Ali Haydar Kaytanî; Dêrsim, Çewlîg, Dep, Xarpêt de xebate rayra berd. Ge ge şi Dîlok tewrê xebatanê Haki Karerî bi. Haki Karer nîsana 1977î  de ame qetilkerdene. Nê semedê ra grûba Apoyî bi cîyakerdişê rayîrî.

''Şehadetê embaz Hakîyî tesîrê ma pêrune kerd. Rayberîye mi rê notêk şawit. Waşt ez semedê vîrameyîşê ey nuşteyêk binusî. Nuşteyê ma heme Kurdîstan de ame vilakerdene. Rayber Apo qerardar bi ke şehadetê Haki Karerî bêcewab memano. La semedê metodê ci ma ra cîya fîkîryayêne. Semedê nê zaf fikîrya û netîceya ci de qerarê partîbîyayîşî vejîya.''

Tewrê Kongreya Ronayîşê PKKyî Bi

Hazirîya pratîkerdişê qerarê partîbîyayîşî de Ali Haydar Kaytan zi est o.

Serkêşîya Rayber Apoyî de grûba ke Kemal Pir, Mazlûm Dogan, Mehmet Hayri Durmuş û Ali Haydar Kaytan tede ca genê  programê partî hazir kenê. Kombîyayîşê hazirîye yo verên Xarpêt de bêno. Nê kombîyayîş de Ali Haydar Kaytan kometeya leşkerî rê yeno vîjnayene.

27ê kanûna 1978î de kongreya ronayîşê PKKyî bena. Grûba ronayoxê PKKyî ke morê xo de nêm seserra peyêne ro, Ali Haydar Kaytan zî tede ca geno.

Çîyê ke heta nika ameyî ciwîyayene û badê ci zî eslê xo de rayraşîyayîşê azadîye yê 45 serran ê komelêkî bi.

Ali Haydar Kaytan tewr vernîya nê rayraşîyayîşî de bi.

Bi heyêcanê ke çirey nêqedîyeno, coş û pabestîye tim aver rayra şi.

Her hela emrê xo bi mana ravîyarnaye,

Bi serkêşêko pabesteyê vateyî yo

Sîyasetmedarêk, gerîlayêk, roşnvîrêk û şaîrêk…

La tim şervanêkê heqîqetî…