Dima ke kadroyanê serkêşan ê PKKyî ra Helmet (Dîyar Xerib) Başûrê Kurdîstanî de bi komployêk şehîd bi şarê Başûrî zaf tesîrê ci de mend. Şehadetê Fermandar Helmetî ra dima xeylêk ciwananê Başûrî verê xo da koyan.

Gerîlaya YJA-Starî Vejîne Helmeta ke Kerkûkî ra ya vat: ''Mîyanê gerîlayan de ma rêçê embaz Helmetî ser o şinê.''

Gerîla Vejîne Helmet qiseykerdişê xo wina dewam kerd: ''Domanîya xo ra nata mi xeyal kerdêne ke ez do biba şorişgêr. Kerkûk serra 2003î de destê rejîmê Baasî ra ame xelisnayene. Rejîmê Baasî meseleyê komelî çareser nêkerdî. Tedaya PDK û YNKyî estbî. Serra 2017î de wexto ke hukmatê PDKyî Kerkûk rot şarî nêrazîbîyayîşêko pîl mojna.

Mi serra 2008î de PKK şinasna. Wexto ke mi dî PKK partîya şarî ya, seba şarî têkoşîn keno sempatîya min a seba ci zêdîyaye. Wexto ke mi Rayberîye televîzyon de dî pêro keyeyê mi tesîrê ci de mend. Mi serra 2017î de bire daye ke tewra gerîlayan biba. Dadîya mi paştî daye mi. Koyî seba ma ê cayî bîyî ke ez do tede felsefeya Rayberîye nêzdî ra bişinasna.

Cinî û koyî manenê pê. Verî mi zehmetîyî antî la koyî hêz danê mi. Seke Rayberîye vana: 'Eke her kes koyan biterikno zî wa cinîyî nêteriknê.' Wexto ke merdimî yenê koyan raşata zî azad benê.

Ez venga pêro şarê ma û ciwanan dana ke rayîrê azadîye perwerîya Rayber Apoyî ya. Verê xo bidê koyan, mil bidê milê yewbînan û seba şaran şer bikerê.''