Serra 2020î de Tirkîya û Vakurê Kurdîstanî de 300 cinîyî kişîyayî. Wan de serebûtê qirkerdişê cinîyan xeylêk zêde yê. Têna menga sibate de 8 cinîyî kişîyayî. Wan de 2 komeleyê cinîyan estê ke vera qirkerdiş û şîdetê serê cinîyan têkoşîn kenê.

Aktîvîsta Komeleya Cinîyan a Stare Rojbîn Bor û Aktîvîsta YAKA-KOPî Gulmaye Gumuşhan derheqê mesele de ANFyî rê qisey kerd.

Gulmaye Gumuşhan vat: ''Heyf ke kişîyayîşê cinîyan têna 8ê Adare de beno rojdem. Bi seyan serrî yo bi hawayêkê xurtî xizanî, bêkarî, bêasayîş, şer, nîjadperestî û kanwazî û cîyakerîya seksîste cinîyan rê yenê ferzkerdene. Seba têkoşînê vera şîdetî ganî polîtîkayê cîyakerdî komelî ra wedarîyê, bikewê dewre. Wan de mengêke de 8 cinîyî kişîyayî. Ganî qanûnê 6284 bêro caardene ke seba pawitişê cinîyan o.''

Rojbîne Bor vat: ''Wan de kişîyayîşê cinîyan vera zêdîyeno. Cinîyî her roje muracatê ma kenê û vanê 'No mêrik do mi bikişo.' Camêrdê ke amadekarîya kiştişî kenê vanê 'Ez do çend mengan zîndan de bimana dima vejîya.' Verê têkoşînê vera şîdetî de astengîya tewr pîle hêzê asayîşî yê dewlete yê. Komeleya ma coka awan bîye.''