Rojnamegeranê Cinîyan ê Kurdîstanî (ROJIN) 5ê kanûne de paytextê Belçîka Bruksel de konferansê xo yo diyîn kerd. Konferansî bi deqayêkê rêzgirewtişî dest pêkerd. 30 delegeyê cinîyî yê rojnamegerî tewrê konferansî bîyî. Konferans de xebatê 2 serran ameyî ercnayene û derheqê ameyoxê çapemenîya cinîyan de nîqaşî ameyî kerdene.

Bale ameye antene ser ke Şerê 3. yê Dinya de cinîyî yenê hedefkerdene la reyna cinîyî rayberîya têkoşînan kenê. Hetê bînî ra konferans de venga çapemenîya PDKyî ame kerdene ke 'xo cînsîtîye ra dûrî bigêra û goreyê krîteranê neteweya demokratîke têbigêra.'

Konferans de nê madeyî vejîyayî vernî:

-Rojnamegerîya cinîyanê Kurdîstanî serebûtan kişf kenê û verê têkoşînê cinîyan akenê.

-Vera şîdet û qirkerdişê serê cinîyan ganî cinîyî xo rêxistin bikerê û bipawê.

-îdeolojîyê vera estbîyayîşê cinîyan ganî bêrê deşîfrekerdene.

-Kampanyaya '100 Sebebê Seba Hukmkerdişê Dîktatorî' ya TJK-E ganî rojdemêko esas bo.

-Ganî binê sîwana ROJIN de kargehê îdeolojîkî bêrê akerdene.

-Sere de ziwanê kurdkî ganî weşangerîyêka pirziwanî esas biba.

-Ganî termînolojîya çapemenîya cinîyan bêra awankerdene.