Komeleya Rojnamegeran ê Cinîyan (ROJIN) derheqê biranê îdamî yê dewleta Îranî de eşkerayîyêka nuştekîye daye.

Eşkerayîye de wina ame vatene: ''Polîtîkayanê şerî ra komel her wextî ra zafêr hewceyê xebergirewtişî yo. Tedayê rejîmanê totalîteran ê vera rojnamegeran zêdîyenê. Goreyê doneyanê rêxistina Rojnamegeranê Sînornenasan pêro dinya de xeylê hukmatî bi polîtîkayanê teda, tepiştiş, destbendkerdiş û qetilkerdişî yê serê rojnamegeran heqê xebergirewtişî asteng kenê.

Îran de bi taybetî serranê peyênan de, Serewedaritişê Jin, Jiyan, Azadî ra dima nê kerdişê vera rojnmegeran zêdîyayî. Rejîmê Molayan 23yê temmuze de cezaya îdamî daye rojnamegere Pexşane Ezîzî û aktîvîste Şerîfe Mohammedî. Serekkomarê newetî Mesûd Pizişkîyanî polîtîkayê îdam, teda û şîdetî Îbrahîm Reîsîyî ra dewr girewtî. 

Sey ROJIN ma hetê rojnamegeran ê cinîyan de yê ke rixmê polîtîkayanê îdamî yê Îranî zî têkoşînê xo ra tawîz nêdanê. Şexsê Pexşane û Şerîfe de ma pêro rojnamegeranê çêran selam kenê. Ma venga pêro dezgehanê çapemenîye û rêxistinanê cinîyan danê ke seba vindarnayîşê cezaya îdamî cade têbigêrê.''