Plarformê Rojanmegeran ê Cinîyan ê Mezopotamya  Leyla Guvena ke 108 rojî semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de ya zîyaret kerd.

Dimayê zîyeretî eşekrayîyêk ameye dayene. Bi nameyê rojnamegeran vervatoxa platformî Ayşse Guneye qisey kerd.

Guneye ard ziwan ke vînayîşê Guvene seba înan zaf muhîm o û înan aye ra zaf moral girewto û best pa: ‘‘Guvene bêhal bî la hetê bînî ra bimoral, bihêz û biqerar bî. Ma do vengê Guvene rê veng bê. Tecrîdê serê Ocalanî sere de cinîyan rê heme komelî rê beno. Coka waştişê Guvene waştişê ma yo. Çalakîya Guvene ke heme dinya ra vila bîya, Tirkîya de sey hîrê meymunan yena destgiretene. Tayî ke xo sey muxalîf û demokrat name kenî, nê zî çalakîya Guvene manîpule kenî.Ganî her kes paşt bido na çalakî. Kam ke destê ci pênus tepişeno wa no tarîxî binuso.‘‘