Endama Koordînasyonê PAJKî Ronahî Serhed serra 2020î hetê cinîyan ra ercnaye.

Qiseykerdişê Ronahî Serhed ra beşêk wina yo:

''Cinîyî 8ê adara 2020î de bi şîarê 'Ma do dinya bivurnê' vejîyayî meydanan. Reyna rayberîya cinîyan de protestoyê pîlî, nawnayîşê dansî, çalakîyê cîya cîyayî ameyî kerdene.Çalakîyanê cinîyan meseleyê sîyasî, komelkî kulturî, perwerde weşîye vistî rojdemî. Cinîyan hêzê vurnayîşî aferna. Cinîyî rayberîya têkoşînê demokrasî û azadîye kenê. Cinîyî pê hîşmendîya vurnayîşê komelî têgêrenê.

Ma sey Têgêrayîşê Cinîyan ê Kurdan serranê 1990an ra nata bi girseyan 8ê Adare pêşwazî kenê. Ma vera polîtîkayanê dewleta tirke cepheyan de şer kerd, ma vera DAÎŞî bi YPJyî şer kerd. Ma vera sîstemê pederşahî, dardekeridş û tepişîyayî mîyanê şert û mercanê giranan de xo û karê xo rêxistin kerdî.

Krîterê têdûştîye rixmo ke qanûnanê bingeyînan de ca gêno hîşmendîya serdestîya camêrdan nêverdena ke bêro caardene. Kapîtalîzm wina propaganda keno ke her çi do aram bibo. La netîceyî wina nîyê. Fuhuş, tecawuz, tacîz û rotişê cinî û domanan asta berze de yê. Bingeyê meseleyanê komelî de kolonyalîzmê vera cinîyan esto.

Netewe-dewlet, îqtîdar û sektorê kapîtalîstî seba menfaatanê xo cinîyan qurban kenê.  teorîya azadîye ya cinîyan de cigêrayîşêko newe yo radîkal û îdeolojîk esto. Nîqaşê 'teorîya newîye ya femînîste', 'manîfestoyê cinîyan ê seserra 21.' nê cigêrayîşan nîşan kenê. Her ke kapîtalîzm apey şino têgêrayîş, rêxistinî û hîşmendîya cinîyan aver şinê. Bi kilmî cinîyî sîstemî ra cîya benê têkoşîn kenê û vera kapîtalîzm, nîjadperestî, netewe-dewlete û serdestîya camêrdan sîstemêkê neweyî afernenê.''