Îdarekara Rêxistina DBPyî ya Amedî Emele Sumbul û Aktîvîsta TJA Dorşîne Yalin bi rayîrê ajansê ma venga pêro cinîyan da ke vera hêriş û tedayan hîna zaf xo rêxistin bikerê û 8ê Adare de Meydanê Îstasyonî yê Amedî de tewrê çalakîya Roja Cinîyan a Dinya bibê.

Îdarekara Rêxistina DBPyî ya Amedî Emele Sumbul pare kerd ke ganî cinîyî vera ferasetê serdestîya camêrdan vejîyê waran û vat: ''Têkoşînê cinîyan ê Rojhelat û Rojawanê Kurdîstanî seba pêro dinya nimûneyêk a. Cinîyî vera ferasetê 'Mevejîyê teber zî' xo ver danê. Ma do vera hêriş û tedayanê serê cinîyan 8ê Adare de vejîyê meydanan. Ma venga pêro cinîyan zî danê ke her ca de vejîyê waran.''

Aktîvîsta TJA Dorşîne Yalin vat: ''Vera normanê serdestîya camêrdan ganî ma sey cinîyan tim têkoşînê xo pîlêr bikerê. Têkoşînê cinîyan ê kurdan Sakîneyan ra dest pêkerd û ewro vilayê pêro dinya beno. Ganî ma nê têkoşînî hîna zaf vila bikerê û xo hîna zaf rêxistin bikerê. 8ê Adare seba pêro cinîyan destkewteyêko pîl o û ma do wayîrê ci vejîyê. Ma do bi ruhê serewedaritişî vejîyê waran.''