Serdozgerîya  Komare ya Amedî bi îdîaya ‘endamîya rêxistina biçeke‘ derheqê Hemşaredara Sûrê Amedî  Filîz Buluttekîne de bi waştişê  mabênê 7 û 15 serran de cezaya hepsî dewa akerde.

Îdîaname de Buluttekîne bi nînan yena sûcdarkerdene: Cigêrayîşê keyeyê ci de 7 kitabê qedexeyî ameyî dîyene. Tewrê cenazeyan bîya. Gama ke Hemsereka HDPyî ya Amedî bî tewrê çalakîyan aktîvîteyanê partîya xo bîya û tayînan de qisey kerdo. Pêro pîya 42 çalakîyî û 39 xeberê ke çapebenî de ameyî weşanayene û hesabê tewîtterî yê partîye ci de parekerdişê ke bîyî. Reyna tewrbîyayîşê Komxebata ziwanî kurdkî, tewrbîyayîşê vîrardişê Vedat Aydini û zîyaretkerdişê Leyla Guven sey sûcî yenê vînayene. Mîyanê sûcdarîyanê bînan de tewrbîyayîşê kombîyayîşê şaredarîyanê, şayîya Newrozî, Mîtîngê 1ê Êlule ya Roja Haştîye ya Dinya ca gênê.