Yewîya Hêze ya Demokratîke û Raameyîşê Yewîya Neteweyî ya Kurdîstanî ya Ewropa vera hêrişanê dewleta tirke rayraşîyayîşêko pîl do bikerê. Yewîya Hêze ya Demokratîke û  Raameyîşê Yewîya Neteweyî ya Kurdîstanî ya Ewropa derheqê babete de eşkerayîyêka nuştekîye daye.

Eşkerayîye de nê çîyî ameyî vatene:

''Wexto ke krîzê dewleta tirke beno xorin hêrişê muxalîf, rojnameger, nuştox, hemşaredar, wekîl û şorişgêran kena. Zîndanî bîyê merkezê îşkenceyî. 500 tepişteyê nêweşî xo ver danê. Dewleta tirke her roje Herêmanê Pawitişî yê Medya ser o bombayan varnena û nê waran de sivîlan qetil kena. Hetê bînî ra zî Heftanîn de dest pê operasyonî kerd û xoverdayîşê gerîlayan ra nêeşkena gamêk aver bierza. AKPyî tewr peyêne Kobanê de 3 cinîyî, Silêmanî de zî 2 domanî qetil kerdî.

Tewr zêdêr emperyalîzmê Almanya, NATO û DYA paştî danê dewleta tirke. Hukmatê Iraqî û Hukmato Federe yê Kurdîstanî zî vera hêrişan bêveng ê.

Vera nê hêrişan ma do bivejîyê meydanan. Pê şîarê 'Ma rayîr nêdanê faşîzm û îşxalî' ma do mabênê 1-4ê temmuze de çalakîyan bikerê û 4ê temmuze de zî Koln de pê rayraşîyayîşêkê pîlî vengê xo biresnê dinya. Ma venga pêro welatperwer, şorişgêr û elewîyan danê ke wa tewrê rayraşîyayîşê 4ê temmuze bibê. Rayraşîyayîş 14:30 de verê Dêra Domî de do dest pê bikero.''