Aktîvîsta Têgêrayîşê Cinîyan ê Azadan (TJA) Sevale Bîlgîn derheqê Roja Cinîyan a Dinya ya 8ê Adare de ANFyî rê qisey kerd.

Sevale pare kerd ke ewro pêro dinya de cinîyî dormeyê felsefeya ‘Jin, Jiyan, Azadî’ de yenê pêser û vat: ‘’Felsefeya ‘Jin, Jiyan, Azadî’ seba pêro cinîyan yew qîrayîş, xoverdayîş û azadîye yo. Na felsefe pêro cinîyan rê bîye hêvî. Xêrê ney ra cinîyî vera qirkerdiş û serdestîya camêrdan bîyî vengêk. 

Vera cinîyan qirkerdiş est o. La cinîyî zî her roje vera qirkerdişan meydanan de yê. Heyf ke qirkerdişo cinîyan tim zêdîyeno; sebebê ney zî polîtîkaya bêcezaverdayîşî ya. Ma sey cinîyan vera şerê serê ma do meydanan de bibê. Cinîyî cuye û edaletî wazenê.’’

Sevale vengdayîşê Rayber Apoyî vist vîrî û vat: ‘’Amed de kelecanêk est o. ‘Vengdayîşo tarîxî’ bi taybetî seba ma cinîyan zaf girîng o û 8ê Adare hîna bi kelecanî keno. Ma do 8ê Adare de meydanan de seba haştîye biqîrê.’’