Komîteya Amadekarîye ya 8ê Adare Silêmanî bi eşkerayîyêke startê çalakîyanê Roja Cinîyan ê Başûrê Kurdîstanî da. Endama Komîte Şeyma Nebîl eşkerayîye wende.

Şeyma pare kerd ke 8ê Adare têkoşînê cinîyan de rojêka sembol a û rixmê xîretanê çinkerdişî yê hukmatî zî têkoşînê cinîyan tim pîlêr beno. Şeyma da zanayene ke înan pêro çalakîyê xo yê emserênî dîyarîya Zelale Zagros (Firyale Silêman) kerdî ke 18ê çeleyî de hêrişê dewleta tirke de Kerkûk de şehîd bibî.

Şeyma vat: ''Ma siba (ewo) dest pê çalakîyan bikerê. Ma do çarçewa 8ê Adare de Silêmanî de semîneran bikerê, pêramotişan virazê û zîyaretê goran û dezgehanê cinîyan bikerê. Ma bi beşdarîya xeylêk hunermendan konserê cinîyan zî do bikerê û rayraşîyayîşan bikerê.''