TJA û Meclîsê Cinîyan ê HDPyî Fatma Uyar, Sevê Demîr, Pakîze Nayir ê 4ê çeleyê 2016î Silopî de ameyî qetilkerdene û Sakîne Cansiz, Fîdan Dogan û Leyla Şeylemez ê ke 9ê çeleyê 2013î de Paris de ameyî qetilkerdene, bi aktîvîteyêke yad kerdî.

Vîradişêko ke banê HDPyî yê Silopî de ame kerdene keyeyê hîrê cinîyan ê sîyasetmerdaran ê ke Silopî de ameyî qetilkerdene, Wekîlê HDPyî yê Şirnexî Nurane Îmîr û Hasan Ozguneş, aktîvîstê TJA û Mayê Haştîye xeylê kesî tewrê ci bîyî.

Badê rêzgirewtişî bi nameyê hîrê cinîyan ê ke ameyî qetilkerdene maya Sevê Demîr   Sakîne Demîr û wekîle Nûrane Îmîr qisey kerd.

Demîre xoverdayîşê tepişteyan selam kerd, şexsê hîrê cinîyan de qirkerdişê vera cinîyan şermezar kerd û vat: Ewro reyna dayîkî hesiran rişnenê.  Reyna dayîkî mexdur benê.  Ez pê  bawera ke eke cinîyê bibê yew û pîya mucadele bikerê eşkenê rişnayîşê gonî û hesiran vindarnê. Wa dayîkî wirzê payan ser û vajê hînî bes o. No mucadele do peynî ra tewr peynî haştîye û rindîye bîyaro. Ez tepiştişê Leyla Guvene zî şermezar kena. Heme tepişteyê ke grevê vêşanîye de yê înan pîroz kena û reyna veng dana ke semedê ardişê haştîye wa her kes çîyêk bikero.

Nûrane Îmîre zî vat: 6 embazê ma hetê îqtîdarî ra ameyî qetilkerdene. Îqtîdaro ke cinîyan hedef geno reyna zaf embazê ma yê bînî zî qetil kerdî. Êyê ke ameyî qetilkerdene leteyêkê ganê ma yê. Nê cinîyê serkêşî bizanayîş ameyî qetilkerdene. Ma têna pê mucadeleyî eşkenê wayîrê nê cinîyan ê şorişgêran vejîyê. Coka ganî ma verê faşîzmî xoverdayîşî pîlêr bikerê.

Vîrardiş bi deyîra ke maye Demîre semedê kênaya xo Sevê Demîr vate û sînevîzyonî qedîya.