Sîyasetmedaranê cinîyan ê tepişteyan ê Zîndanê Kandira bi wesîleya  25ê Teşrîna Peyêne Roja Têkoşînê Vera Şîdetê Serê Cinîyan mesajî dayî.

Mesajî wina yê:

Fîgene Yuksekdag: Xoverdayîşê cinîyan o ke kuçeyan azad keno 25ê Teşrîna Peyêne de zî rayîranê neweyan dano verê ma. Vera her tewirê şîdetî ma do paştdayîş û têkoşîn keşf bikerê. Têgêrayîşê azadîye û hîşmendîya cinîyan do tarîxêkê neweyî binusê. Ma pîya do ser bikewê.

Sebahate Tuncel: Ma cuya azad, demokratîk, têdûşt û haştîyane pawenê.Vera edaletê dewleta camêrdan ma edaletê raştikênî wazenê.  Ma vera tacîz, tecawuz, şîdet, qirkeridşan vanê 'Ma xo pawenê.'

Gultene Kişanak: Ma sey cinîyan zînda, teber, her warêcuye de vera teda û şîdetê camêrdan xo ver danê. Ma zanenê ke ameyoxo azad têna bi têkoşînê cinîyan awan beno.Ma pê qerardar ê ke vera qirkerdiş û şîdetî wurzê payan ser.

Edîbe Şahîn: Roja ronayîşê dinya ra nata sîstemê serdestîya camêrdan sînoran anê verê ma. La ma zanenê ke dêsî seba rijnayîşî yê. Têna ganî ma bibê yew û dest bierzê yewbînan. Hêzo ke verê şîdetî gêno tewirê ma yê rêxistinîye yo.

Çaglare Demîrel: Ma sey tepişteyanê sîyasîyan tîya de zî têkoşîn û xoverdayîşê ma yê cinîyan dewam kenê û do dewam bikerê. Êyê ke zor û zehmetî do wedarê cinî yê. Na babete de ma hêvîdar, çêr ê û ma do teqez ser bikewê.

Gulsere Yildirim: Çimeyê pêro meseleyanê komelî hîşmendîya camêrdan a. Têkoşînê vera naye wezîfe û berpirsîyarîya cinîyan o û wezîfeyê demokratan o. Ez dinyayêka ke tede vera cinîyan şîdet çin o hêvî kena.

Aysele Tugluk: Seba ke ma vera şîdetê serê cinîyan weriştî ra ma ameyî tepiştene. Ez pê bawer a ke paştdayîşê cinîyan do verê hêrişan bigêro. Hem zîndan de hem zî teber de ma do têkoşînê xo dewam bikerê.