Yewîya Cinîyan ê Sosyalîstan a Ewropa (SKB) bi eşkerayîyêka nuştekîye dîyar kerd ke seba azadîya Rayberê Şarê Kurdî Abdullah Ocalanî grevê vêşanîye yê tepişteyan û Nobetê Edaletî dewam kenê.

Eşkerayîye de wina ame vatene: ''Tepişteyî qerardar ê ke heta ke tecrîdo girankerde biqedo çalakîya grevê vêşanîye do dewam bikero. Ma wayîrê waştişanê tepişteyan vejîyenê û xoverdayîşê înan selam kenê.

Ma venga cinîyan ê kedkaran ê koçberan û roniştoxan ê Ewropa danê ke kamyew welatî de bibê zî veng bidê vengê tepişteyan, heqê înan ê cuye bipawê, waştişanê înan ê meşrûyan û xoverdayîşê înan ê rûmetênî biresnê pêro cayan û hîsgerîya komelî pîl bikerê! Ma mil bidê cinîyan ê tepişteyan ê nêweşan, ma bibê hêzê înan!''