Samiya Xelîl (47) 26 serrî yo bi fîkranê Rayberê Şarê Kurdî Abdullah Ocalanî rayîrê xo bewlî kena. Samiha Xelil kena ke bi têkoşînê xo wayîrê heqanê cinîyan bivejîyo û feydeyê ci bireso komelî. Şorişê Rojawan de aktîf rol girewt, têkoşînê heqanê cinîyan de ca girewt. Samîya Xelîl vat a  tewrê grûba wendişê kitabê Sosyolojîya Azadîye yê Rayberê Şarê Kurdî Abdullah Oclaanî bîye û derheqê muhîmîya têkoşînê cinîyan de zaf çî musaye.

Samîya Xelîla ke 26 serrî verî fîkrê Rayberê Şarê Kurdî Abdullah Ocalanî nas kerdî ANFyî rê qisey kerd.

Samiya Xelîl nê vatî: ''Verî ke mi fîkrê Rayber Apoyî nêzanayêne ez têna dadîya domananê xo û cinîya keyeyê xo bîya. Bado ke mi  fîkrê Rayber Apoyî nas kerdî mi fam kerd ez eşkena pîya bi dadîtîye çîyanê bînan zî bikerî ke xeyrê mi bireso komelî. Mêrdeyê ma hetê rejîmê  BAASî ra ame tepiştene, raştê îşkenceyî ame û zextê vera keyeyê ma zêdîyayî. Vera nê zextan ez bîya hêzdar û mi qerar girewt ke ganî ez vejîye teberê keyeyî.

Weztê Şorişê Rojawanî de ez pîya bi kênaya xo tewrê Komunê Şehîd Berxwedanî bîya. Têkoşîno ke bi serran o şexsê Rayber Apoyî de yeno rayraberdene fêkê xo dabi, Şorişê Rojawanî yo ke sey Şorişê Cinîyan yeno pênaskerdene amebi kerdene. Ma bi felsefeya Rayber Apoyî dest pê têkoşînî kerdb.Cinîyî xeyrê felsefeya Rayber Apoyî heta ewro ameyî û bîyî wayîrê hêzê têkoşînkerdişî.

Ma sey grûbêka cinîyan hewte de rayêke yenê têhet û kitabê Sosyolojîya Azadîye yê Rayberîye wanenê. Her beşê pawitişi ke yeno wendene, ma ser muneqeşe kenê. No metod verê ma akeno. Ma çend wanenê vînenê ke ma aver şinê. Famkerdişê Rayberîye bi wendişê felsefeya ci beno. Bi nê wendişî ma ferq kerd ke ma dahîna hol krîzanê komelî, raştîya keyeyî û komelî, muhîmîya têkoşînê cinîyan fam kenê.''