Paytextê Swêdî Stockholm de cînîyan ê Kurdan semedê paştîdayîşê Leyla Guvena  ke 101 rojî yo vera tecrîdkerdişê Rayberê Şarê Kurdî Abdullah Ocalanî grevê vêşanîye de ya, çalakîyêk viraşte.

Bi vengdayîşê Meclîsê Cinîyan ê Amara xeylî cinîyî ameyî têhet û  pankartêk akerde û bale ante tecrîdê Îmraliyî û xoverdayîşê grevanê vêşanîye ser. Cinîyanê ke dovîzê Yewîya Ewropa (YE), Neteweyê Yewbîyayeyî (NY) û CPT’yî kiriştêne înan ra yewe fekê xo, yewe goşê  xo û yewe zî çimê xo grewtî û bi mesajê hîrê meymunan, vera tecrîdî bêvangîya Ewpora şermezar kerde.

Çalakîya ke zaf eleqe ante xo ser de cinîyan semedê tewrbîyayîşê  çalakîya ke ewro do saet 13.00 de Stockholm Norra Bantorget bêro viraştene veng da Kurdistanijan û dostanê înan.