Endamanê Meclîsê Cinîyan ê Şaredarîya Sûrî seba 25ê Teşrîna Peyêne ya Roja Têkoşînî yê Vera Şîdetê Serê Cinîyan Taxa Tileloyî ya Qezaya Sûrî ya Amedî de çalakîya ronayîşê leyan kerde. 

Endamê Meclîsê Cinîyan ê Şaredarîya Sûrî, TJA û Komeleya Cinîyan a Rosa tewrê çalakîye bîyî. Cinîyan  waro ke hetê Şaredarîya Sûrî ra ame dayene de seba 390 cinîyanê ke serra 2019î de ameyî qetilkerdene 390 leyî nayî ro. Cinîyan  kurdeleyê sûrî bestî leyan. Endama Meclîsê Şaredarîya Sûrî Ruşene Rayfun çalakîye de qisey kerd û vat ke seba cinîyanê ke ameyî qetilkerdene ê do hîna zêdêr leyî binê ro û daristanêkê pîl awan bikê. Tayfune vizt vîrî ke serra 2019î de 390 cinîyî ameyî kiştene û vat: "Şima nêeşkenê bi kiştişê cinîyêke cuye biqedînê. Ma seba ê cuyan leyanê neweyan, cuyanê neweyan awan bikê."  Tayfune îfade kerd ke ê do her ca de vera şîderê serê cinîyan têkoşînê xo dewam bikê.