Têgêrayîşê Azadîye yê Cinîyanê Êzidîyan (TAJÊ) bi wesîleya serrgêra 2. ya destpêkerdişê îşxalî ya Efrînî eşkerayîyêke weşanaye.

Eşkerayîya TAJÊ wina ya:

''2 serrî verê cû dewleta tirke hêrişê Efrînî kerd û bi hezaran cinîyî, domanî, sivîlî qetil kerdî ke tede êzidîyî zî estbî. Nê hêrişan de bi se hezaran merdiman zî koç kerd.

Hêrişê hewayî yê vera Şengalî hêrişanê vera Rojawanî ra cîya nîyê. Dewleta tirke tehamulê kurdan nêkena. Coka her tim hêrişê destkewteyanê kurdan kena.

Komelê êzidîyan bi têkoşîn û xoverdayîşê vera barbarîya DAÎŞî tarîxêk nuşt. Êzidîyan merdimîye barbarîye ra xelisnaye û bîyî hêvîya şaran. La nê rojan de hêrişê vera kurdan reyna bîyî zêdêr û dezgehê mîyanneteweyî û merdimîye vera naye bêveng ê. La cinîyê êzidîyî vera nê hêrişan do qet bêveng nêmanê. Hêrişê dewleta tirke yê vera Şengalî de şerwanê YBŞyî şehîd bîyî ke no hêriş sey dewamê fermanê qirkerdişê êzidîyan bi. Ma do qesasê şerwananê xo ra fek vera nêdê.

Nê esasî ser o ma sey Têgêrayîşê Azadîye yê Cinîyanê Êzidîyan venga pêro merdimîye, dezgehanê sosyalîstan, çepgîran, rêxistinanê cinîyan û pêro şarê kurdî danê ke bi çalakîyan wurzê payan ser, wayîrê Efrînî û şehîdanê xo bivejîyê."