Têgêrayîşê Azadîye yê Cinîyan ê Êzidîyan (TAJÊ) derheqê meseleyanê xokiştişî yê kampa macîran a Duhokî eşkerayîye daye.

Eşkerayî de ame vatene ke ê sey TAJÊ rîyê nê xokiştişan ra zaf qehrîyayeyî û ca dîya nînan:  ''Wextê fermanî de tewr zaf cinîyan dej ant. Ameyî rotene, vêşnayene û raştê îşkenceyî ameyî. Ewro êyê ke hesabê qirkerdişan persenê reyna cinîyê êzdidî yê. Nê semedî ra berpirsîyarîya pîlê yê ma cinîyan ê êzidîyan esta.  Ganî ma hêrs û têqê xo vera îşxalkeran û înanê ke waşt ma qir bikerê, bişuxulnê. Ganî çew/e paştî medo planê leyminî yê vera cinîyan ê êzidîyan. Xokiştiş çare nîyo. Ma sey cinîyan ê rêxitinkerdeyan semedê çareserkerdişê heme meseleyan û paştdayîşî amadeyê. Meclîsê me pêroyê kasaba û dewanê Şingalî de estê. Cinîyî eşkenê muracatê nê meclîsan bikerê. Ma cehd kenê ke paştî bidê cinîyan. Ma sey keyeyê xo yê diyînî bihesibnê. Goreyê felsefeya Rayber Apoyî çareyê her mesele esto.  Xokiştiş bêçareyîya tewr pîl a.''