Mîrasê têkoşînî yê 12 serran sibata 2016î de bi nameyê Kongreya Starî dewam kerd. Kongreya Starî xo resna her cayê dinya. Xeylêk welatan de temsîlkarîyê neweyî akerdî û cinîyê dinya zî tewrê têkoşînî kerdî.

Vervatoxa Kongreya Starî ya Kantonê Qamişloyî Şaha Xelîl û Hemsereka Yewîya Roşnvîran a Kantonî Felek Yûsif derheqê prosesê ronîyayîşê Kongreya Starî de ANFyî rê qisey kerd.

Şaha Xelîl vat: ''Seba hîrabîyayîş û pîlbîyayîşî ganî Yewîya Starî xo bivurnayêne. Kongreya Starî na babete de asta tewr berze de bi rolê xo werişte we. Cinîyanê ke nika herêmanê azadan de xo rêxistin kerdê, beno ke nê cinîyî rêxistinîya cinîyan ê kurdan ra wetêr şîyê. Rêxistinîya Komelê Cinîyan a Zenobîya mîsalê ney o tewr girîng o.''

Felek Yûsif zî îfade kerd ke çimeyê hêzî yê nê pîlbîyayîşî û vurîyayîşî zî xoverdayîşê gerîlayan o û vat: ''Herêmanê sey Kobanê teda giran a la ma xoverdayîşê gerîlayan ra hêz gênê û bi nê hawayî karanê xo kenê. Reyna Kobanê de rêçê Rayberê Apoyî bingeyê xurtkerdişê karanê ma yo. Ma rixmê îşkence û tedayan zî têkoşînî rê dewam kerd. o çax me xeyal kerdêne ke gelo bieşkê alaya kesk û sûr û zerde berz bikerê. 19ê Temmuze de şorişî ra dima ma şaristanê xo pê alayanê xo xemilnayî. Xeyalê ma raşt bi. No hîsêko zaf cîya bi.''