Şerwananê YPG û YPJyî bi wesîleya 8ê Adare Roja Cinîyan ê Kedkaran ANFyî rê qisey kerd.

Mizgîne Îdrîs: Seba 8ê Adare bedelê giranî dîyayî. Seba ke tarîx roşnî bibo ganî cinîyî wayîrê kedanê xo vejîyê. Xoverdayîşê cinîyan xoverdayîşêko tarîxî yo. Cinîyî serkêşîya YPJyî de xoverdayîşê xo rê dewam kenê. Îsbatê ney zî Şorişê Cinîyan ê Rojawanî yo. Şehîdanê ma yê sey Arîn, Avesta, Zehra, Sorxwîn, Azadî serkêşîya nê şorişî kerde û têgêrayîşê cinîyan bihêz kerd. Bi taybetî serewedaritişê Jin, Jiyan, Azadî yê Rojhelatê Kurdîstanî pêro dinya de veng vet. Seke Rayberîye vatbi seserra 21ine do biba seserra cinîyan.

Lalêş Êzidî: Verê cû qet yew rêxistine, partî yan zî alîmî derheqê azadîya cinîyan de tewirêko raştikên nêmojna. Keda cinîyan pêro tarîxî de nêhesibîya. Coka cinîyî seke qels ê ameyî dîyene. Rayber Apoyî bi paradîgmaya xo azadîya cinîyan kerde esas. Cinîyî paradîgmaya Rayberîye jenê esas û her ca de têkoşînêkê serkêşî kenê. 

Rodî Amed: Ewro Kurdîstan û Rojhelatê Mîyanênî de cinîyan bi têkoşînêkê pîlî şoriş kerd. Şorişo ke tede cinîyî canêgênê serkewte nêbeno. Coka ma deyndarê cinîyan ê. Cinîyan rixmê pêro teda û hêrişan zî qetî xoverdayîşî ra fek vera nêda. Ewro cinîyê dinya dormeyê paradîgmaya Rayberîye de yenê pêser û vera sîstemê serdestîya camêrdan têkoşîn kenê. Erkê ma o yo ke bi ruhê Rayber Apoyî tekoşînî vila bikerê û sozê xo yê seba cuya azade bîyarê ca.