Tepişteyan ê cinîyan ê Zîndanê Sîncanî muracatê Komîteya Vergirewtişê Îşkenceyî (CPT) kerd. 

Eşkerayîye de bale ameye antene ser ke tepişte Şakîr Turan rixmo ke kanser bi vera nêdîyayo û dinyaya xo bedilnaya. Eşkerayîye de dîya zanayene ke serra peyêne de zîndananê Tirkîya de 81 tepişteyan bi nê hawayî dinyaya xo bedilnaye.

Cinîyan vat: ''Nê mergan ser o tehqîqatêk nêame kerdene. Her mergo ke binê kontrolê hukmatî de qewimîyano yew cînayet o. Tepişteyê kurdî bi taybetî yenê hedefkerdene û vera înan asta faşîzme de kerdiş û îşkenceyî est ê. Bi qanûnê neweyî înfazê 313 tepişteyanê sîyasîyan zî ame astengkerdene. CPT seba têgêrayîşî pabeyê mergê tepişteyanê nêweşan o?

Zîndananê tiirkan de bi des hezaran tepişteyî raştê pratîkanê faşîzan û nîjadperestan yenê. Cînayet û mergê sîstematîkî nê kerdişan ra dewam kenê. Bi qanûnê neweyî heqê hêvî zî wedarîya. Tepişteyê nêweşî terkê mergî yenê. Ganî CPT vera nê zîndanan tehqîqat û cigêrayîş bido destpêkerdene û netîceya raporanê xo pare bikero, Tirkîya mehkum bikero.''