Bi nameyê tepişteyanê azadîye yê PAJKî yê Kurdîstanî û Tirkîya  Kajîne Perî derheqê şehadetê endamê înan Nurcane Bakir de mesajêk erşawit. Nurcane Bakir 14ê çeleyê 2020î de zîndanê Burhanîye de xo kiştbî. 

Mesajê PAJKî ra qismêk wina yo:

''Ma sere de keyeyê embaze Nurcane rê pêro şarê ma û embazan rê serweşîye wazenê. Embaze Nurcane şerwan û kedkara têkoşînê azadîye bîye. Welatperwer û pabesteya erjanê xo bîye. 28 serrî zîndan de xo ver da û vera zordarîya sîstemî sereyê xo war nêard. Ma zanenê ke zîndan bi xo hetê serdestîya camêrdan ra bi armancê çinkerdişê kesayetî ame awankerdene.

Destpêkerdişê grevê vêşanîye yê 2019î de Embaze Nurcana ke nêweş bîye zaf waşt ke tewrê grevî bîye û 87 rojan bi israrê xo tewrê çalakîya grevê vêşanîye bîye û grevê xo bi hawayêkê xurtî temam kerd. Çalakîya grevî ra dima êdî êdî embaze Nurcane hîna nêbaş bîye. Embazan xîret kerd zî Nurcane giranêr bîye û şîye muşahede de têna mende. 

Dima ke Nurcane muşahade de derman xebitna waşt û ameye xo ser waşt ke abigêra cayê embazanê xo. La surguna zîndanê Burhanîye bîye. Wezaretê Edaletî zanayêne ke Nurcane zaf nêweş bîye la destûr nêda ke bêra veradayene. Embaze Nurcane xîret kerd ke abigêra cayê xo yê verênî. Hînî çîyê ke ameybî aye sereyî ra tengasî û ecîzîye antêne. O çax ma xebera ci girewte. Bi mesajêk pare kerd ke vera zulmê sîstemî sereyê xo nêard war.

Sîstemê pederşahî bi xo semedê xokiştişî yê Nurcane yo. Cara awankerdişê zîndanan, kerdişê pêro zulm û zordarî aîdê nê sîstemî yê. La sey cinîye, şarê kurdî, şarê bindestî ma seba xo merg tesdîq nêkerê. Coka mergo bi nêhawayî serewedaritiş, xoverdayîş, xelisîyayîş nîyo. Nê mergî zî beşêkê nê sîstemî yê. Xokiştiş çêrî nîyo. Seke Rayberîya Konfedaralîzmê Demokratîkî mesajê xo yê peyênî de ardbi ziwan seba tepişteyanê azadîye pawitişê weşîya fikran û bedenî esas o. Xoverdayîşêko rastikên no yo.''