Platformê 'Ma Do Verê Kişîyayîşê Cinîyan Bigêrê' (KCDP) raporê teşrîna peyêne eşkera kerd. Goreyê raporî menga teşrîna peyêne camêrdan 33 cinîyî qetil kerdî.

Goreyê raporî nê cinîyan ra 9ê ci seba ke waşt ke cîya bibê, zewaj red kerd, têkilîye red kerde; 2yê ci bi bahaneyanê ekonomîkan, 1 cinîye seba ke dadîya xo pawite ameyî qetilkerdene.

33 cinîyan ra 14ê ci hetê camêrdanê ke tede zewijnaye bîyê ra, 2yê ci hetê camêrdanê ke verî tede têkilîya ci bîyê ra, 1 cinîye hetê birayê xo ra, 2 cinîyî hetê lajanê xo ra ameyî qetilkerdene. Nêzanîyeno ke cinîyêke çira kişîyaya.