Komeleya Rojnamegeran ê Cinîyan a Mezopotamya (MKG) raporê 'Binpaykerdişê heqan ê vera rojnamegeran ê cinîyan' eşkera kerd.

Rapor de ame parekerdene ke teşrîna peyêne de teda û hêrişê vera rojnamegeran ê cinîyan bêmabên domîyayê. 

Rapor de dîya zanayene ke teşrîna peyêne de bi sereştişî rojnamegerî Roza Metîna, Tugçe Yilmaz, Suzane Demîr, Havîne derya, Berfîne Atli û Serape Guneş ameybî destbendkerdene, keyeyê muxabîra JINNEWSî Derya Ren di reyî raştê sereştişî ameyo, Peşîne Çetînkaya ameya derbkerdene.

Teşrîna peyêne de 3 rojnamegerê cinîyî raştê hêrişan ameyî, polîsan eşto keyeyanê 8 rojnamegeran ser, 9 rojnamegerî seba îfadeyî ameyî vengdayene, 4 rojnamegerî raştê muameleya xirabe ameyî, 5 rojnamegerî ameyî tehdîtkerdene, 3 rojnamegerî wextê teqîbê xeberan de ameyî astengkerdene, 7 rojnamegerî raştê tehqîqatî ameyî, derheqê 7 rojnamegeran de dewayî ameyî akerdene, 7 rojnamegeran rê tehqîqatî ameyî akerdene, 7 rojnamegeran rê dewayî ameyî akerdene, 7 rojnamegeran rê bi temamî 2 serran û 3 mengan cezaya zîndanî û pereyî dîyayî û 38 rojnamegerî ameyî muhakemekerdene.''

Goreyê raporî nê rojnamegerî hema tepişte yê: Elîfe Ersoy, Hatîce Duman, Lutfîye Burcu Kara, Selamete Turan, Ozdene Kinik.