Têgêrayîşê Cinîyan ê Azadan (TJA) Êlih û Îzmîr de  bi şîarê bi Jin, Jiyan, azadî ver bi 8ê Adare dest pê aktîvîteyanê  8ê Adare Roja Cinîyan ê Kedkaran a Dinya kerd.

Êlih de cinîyê ke Kuçeyê Gulîstane de ameyî têhet bi çapik û sloganan govende girewte û dima ra ver bi banê DPByî rayra şîyî. Hemwelatîyan zî bi tîlîlî û nîşanê serkewtişî paştî daye cinîyan. Cinîyan fotografê cinîyan ke ameyî qetilkerdene kirişît û sloganê sey ''Bijî berxwedana zîndanan'',,''Jin jiyan azadî'' vatî.

Cinîyan eşkerayîya xo de bale ante polîtîkaya şerê taybete ser ke netîceya ci de bi desan cînîyî ameyî qetilkerdene û vat: Eynî polîtîkayî bi destê unîformayinan,dezgehanê îslamê sîyasalî û qeyûman vera cinîyan û şaranê Kurdîstanî yena rayraberdene. Rixmê heme hêrişan cinî û şarî xover danê. Ma sey TJA do awe, herre, daristan, xoza û heme waranê cuyeya xo bipawê. Ma serkewtî. Nika ma do serkewtiş û destkewteyanê xo newera pîl bikerê. Semedê çareserkerdişê probleman ganî Birêz Ocalan bibo azad. Rabe; Dem Dema Azadîya Jina Ye.

Badê eşkerayîye cinîyan banê DBPyî de merdimê tepişteyan ê ke Nobeta Edaeltî tepişenê, zîyaret kerdî.

Îzmîr de zî TJA verê temsîlkarîya DEM Partî ya Çementepe de dest pê aktîvîteyanê 8ê Adare kerd.

Aktîvîte de tecrîdê Îmraliyî û polîtîkayê hêrişkarî yê vera cinîyan  ameyî protestokerdene û mesajê xurtkerdişê têkoşînî ameyî dayene.