TJA: Ma destsernayîşanê AKP'yî nas nêkenê

TJA vat ê destsernayîşanê AKP'yî nas nêkenê û vangdayîşê xoverdayîşî û yewîya neteweyî kerd.

TJA  verba qeyûm û hêrişan veng da pêroyê cinîyan ke blokê demokrasîyî û xoverdayîşî bêrê geşkerdene.TJA seba verba zêdekerdişê dişmenîya Kurdan rê waşt ke yewîya neteweyî û xoverdayîşî bêrê geşkerdene û pêroyê Kurdistanijî  torra têkoşînî geş bikê û yewîya neteweyî bêra sazkerdene.

Têgêrayîşê Cinîyan ê Azadan (TJA) bale ante serê îşxalkarîya dewleta  Tirkî ya verba Rojawanî, Vakur û Rojakewtena Sûrîye û vat, "Bi îşxalkarîya ke serê Sûrîye de daye destpêkerdene û pararelê bi polîtîkayanê destsernayîşî û şerê zereyî, hêrişê serê Kurdan ameyî zêdekerdene. Bi qeyûman şaredararîyê ke şar îradeyê xo eşkera kerd, îşxal kerdî. Ma do verba hêrişanê serê sîstemê hemserekîye û destsernayîşî bêveng nêmanê.