Têgêrayîşê Cinîyan ê Azadan (TJA) programê xo yê 8ê Adare Roja Cinîyan ê Kedkeran a Dinya eşkera kerd.

Programê TJA yê 8ê Adare yê Amedî wina yo:

Erxenî: 25ê sibate Parka Botanikî de eşkerayîya çapemenîye. Startê 8ê Adare do bêro dayene. Mabênê 25-29ê sibate do bi wesayîtê anonsî qeza û dewan de bêro gêrayene. 29ê sibate de bazar û atolyeyan de do broşur û fularî bêrê vilakerdene. Badê 28ê menge do dewe û taxan de do kombîyayîşê 8ê Adare bêrê kerdene.

Farqîn: 3ê adare de bi tewrbîyayîşê wekîle Remzîye Tosun şayî. Dewe û taxan de kombîyayîş, bazar de vilakerdişê tewre û fularan.

Hêni: 4ê Adare dewa Tûraliya Corê de do bi parlamêterêke cinîyan rê do vilîkî bêrê vilakerdene. Wekîle Semra Guzel do sipare de cinîyan reyde bêro têhet.
 

Bismil: 3ê adare de bi tewrbîyayîşê wekîle Dersim Dag tîyatro. 13 dewe û taxan de kombîyayîş û têhetameyîşê cinîyan.
 

Licê: 5ê adare roje do vilawekî, broşur û şalî bêrê vilakerdene û şan zî bi tewrbîyayîşê wekîle Salîha Aydenîz diwanê dengbejan bêro organîzekerdene.
 

Çinar:5ê adare bi tewrbîyayîşê Remzîye Tosun û hemsereka DBPyî yê bajarî Seval Gulmez şayîya cinîyan.

Sûr: 2 dewe û  2 texan de bi erbenayan rayraşîyayîş û vilakerdişê vilawekan. 27ê sibate bi tewrbîyayîşê Hulya Alokmen û Dersim Dag dewa Kabe de şayîya cinîyan. 29ê sibate de dewa Çarikli de bi tewrbîyayîşê Semra Guzel kombîyayîşê cinîyan. Eynî roje de Sûran de ramotişê kayanê şarî. 4ê adare de bi tewrbîyayîşê Remzîye Tosun rayraşîyayîş.
 

Peyas: Kombîyayîşê cinîyan, bi kincanê herêmî û erbenayan vilawekî do bêrê vilakerdene. 1ê adare de bi tewrbîyayîşê Seval Gulmez û Salîha Aydeniz şayîya cinîyan. 2ê menge de sînevîzyon. 4ê menge de dewa Kera de bi tewrbîyayîşê Dersim Dag atkîvîteya bi def û zûrna. 6ê menge de bi tewrbîyayîşê Semra Guzel bazarê yenîyolî de vilawekî do bêrê vilakerdene.
 

Yenîşehîr: 2ê adere de dewa Terzyan de  bi tewrbîyayîşî Semra Guzel aktîvîteyêke. 3ê menge de bi tewrbîyayîşê  Seval Gulmez û Dersim Dag taxa Şehîdlîkî de aktîvîteyêke. 4ê menge de bi tewrbîyayîşê Hulya Alokmen dewa Yuksekî de aktîvîteyêke. 5ê menge de dewa Fare de vilakerdişê vilawekan. 6 û 7ê menge de vilakerdişê vilawekan.

Baglar: 1ê adare de bi tewrbîyayîşê Hulya Alokmen û Dersim Dag qeza de sipare.6ê menge de bi erbanê û kincanê herêmî vilakerdişê vilawekan.
 

Hezro: 6ê adare de bi tewrbîyayîşê Remzîye Tosun bazar vilakeridşê broşur û vilawekan. Eynî wextî de do dadî û keyeyî bêrê zîyaretkerdene.

Dicle: 25ê sibate derheqê Gulîstane Doku de eşkerayîya çapemenîye. 1ê adare de bi tewrbîyayîşê Remzîye Tosun şayîya cinîyan.

Mîtîngê fînalê 8ê Adare zî do Amed de bêro kerdene. Reyna Şirnex, Mêrdîn, Agirî, Îdir, Colemêrg, Riha, Wan, Qers, Mûş,  Bedlîs, Sêrt, Elîh, Mersin,Adana û xeylêk bajaranê bînan ê Kurdîstan û Tirkîya de do bi tewrbîyayîşê wekîlanê HDPyî hetê 8ê Adare aktîvîte û çalakîyê cîya cîya bêrê viraştene.