TJA çarçewa çalakîyanê 25ê Teşrîna Peyêne de Îstanbul de bi çalakîya zîncîrê morî cinîyê ke ameybî qetilkerdene yad kerdî. Çalakîye binê ablûqaya polîsan de ameye kerdene.

Xeylêk cinîyî tewrê çalakîye bîyî û înan fotografê cinîyanê ke ameybî qetilkerdene kiriştî. Çalakîye de pankarta bi nuşteyê 'Ma zo pawenê' ameye akerdene û eşkerayîye hetê Hemsereka HDPyî ya Uskudarî Aysele Ozbek ra ameye wendene. 

Ozbeke da zanayene ke ê do nêverdê ke cinîyê ke ameyî qetilkerdene wa vîrî ra şorê û pêro berpirsîyaran ra hesab bipersê. Ozbeke vat: ''Ma ê kesan ra ke cinîyî feqîr verdenê, keda cinîyan nimnenê, Peymana Îstanbulî nêanê ca, polîtîkayanê îqtîdarî ra û pêro camêrdan ra hesab bipersê. Ma do xo bipawê.''