Ronayoxanê PKKyî ra Sakîne Cansiz, Temsîlkara KNKyî ya Parîsî Fîdane Dogan û endama Têgêrayîşê Ciwanan Leyla Şaylemez 9ê çeleyê 2013î de Parîs de amebî qetilkerdene. Têgêrayîşê Cinîyanê Kurdan ê Ewropa (TJK-E) derheqê qetilkerdişan de eşkerayîyêka nuştekîye weşanaye.

Eşkerayîya TJK-E wina ya:

"9ê çeleyê 2013î de Parîs de 3 embazê ma yê şorişgêrî yê kurdîstanijî hetê dewleta faşîste ra ameyî qetilkerdene. Ma embazanê xo yê ercayeyan Sakîne Cansiz, Fîdane Dogan û Leyla Şaylemez ê ke nê hêrişî de ameyî qetilkerdene sergêra ci ya 7. de bi rêzdarî û mînetî yad kenê.

Nê hîrê embazê ma yê şorişgêrî, reyberê têgêrayîşê têkoşînî yê cinîyan hetê plananê sîstemê kapîtalîstî ra ameyî qetilkerdene. Sakîne Cansize, Leyla Şaylemez, Fîdane Dogan bi têkoşîn, fikr û xoverdayîşê xo bîyî rayberê têkoşînê cinîyan û azadîye.

Nê 3 cinîyê şorişgêrî yê pîlî hetê dewleta tirke ya faşîste ra ameyî qetilkerdene. Nê qetilkerdişî perçeyêkê polîtîkayê înkar û asîmîlasyonî yê vera kurdan bîyî. Berpirsîyarê nê qetilkerdişan hetê kurdan û dostanê înan ra ameyî eşkerakerdene la hukmatê Fransa hema zî berpirsîyarîya xo nêarde ca ke nê qetilkerdoxan ra hesab biperso. 

Bi qetilkerdişê Hevrîne Xelef, Amara Renas û Yadê Aqîde nê qirkerdişê ke 9ê çeleyê 2013î de Parîs de ameyî kerdene yenê dewam kerdene. Hêrişê vera cinîyanê ke cuya azade û têdûşte wazenê, seba naye xo rêxistin kenê, têkoşîn kenê û xo ver danê verê çimanê pêro dinya de sey qirkerdişêk dewam kenê.

Ma sey cinîyanê kurdistanijan, rojhelatê mîyanênijan, amerîkayîjan, afrîkayîjan û ewropayîjan senî ke vizêr vera nê hêrişan bêveng nêmendî ewro zî ma do bêveng nêmanê. Ma do hesabê nê herişan ê vera cinîyan bipersê. Ma bi zêdînayîşê Hevrînan, Sakîneyan têkoşînê xo kenê pîl û neteweyê demokratîkî awan kenê. Ma her ca de xoverdayîşê xo kenê xurt. 

Ma serrgêra 7. ya Qirkerdişê Parisî de vanê: "Sarayan ra heta Hevrînan.. Ma seba azadîye xo ver danê! Ma seba edaletî payan ser o yê!''

Ma reyna vanê 'serrgêra ci ya 7. de bêcezatîye rê bes!' û edaletî dima yê. Bi na wesîle ma reyna embazanê ma yê ercayeyan û şorişgêranê pîlan Sakîne, Fîdane û Leyla de bi rêzdarî sereyê xo anê war. Seba ke berpirsîyarê Qirkerdişê Parîsî ra û hêzanê ke hêrişê şorişê cinîyan ê Rojawanî ra hesab bêro persayene ma 11ê çeleyî de Parîs de bêrê pêser."