Endama Koordînasyonê TJK-E Dilda Roj cewab da persanê ANFyî û Kampanyaya '100 Sebebê Seba Hukmkerdişê Dîktatorî' ercnaye.

Dilda Roj pare kerd cinîyê kurdî vera hîşmendîya pederşahî şerêkê pîlî kenê û vat: ''Pê îdîa û qerardarîya hesabpersayîşî seba ke dîktator birijnê ma det pê kampanyaya xo kerd. Erdoganî îqtîdarê xo yê 18 serran de vera komel û cinîyan bi seyan sûcî kerdî. Derheqê 100 serebûtan de ke bi fermanê Erdoganî ameyî kerdene ma pê qerardar ê ke hesabê nê sûcan bipersê.Seba çinkerdişê netîceya faşîzmê Erdoganî ma do hesab bipersê. Ma do bi hemkarîya têkoşînî cinîyan na cografya de bikerê.''

Derheqê xebatanê ameyoxî yê kampanya de Dilda Roj wina vat: ''Kurdîstan û Rojhelatê Mîyanênî de îşxalî, înkar û xîretê çinkerdişî her wextî ra zêdêr yenê kerdene. Cinîyê kurdê ke koyanê Kurdîstanî de bi îdîaya azadîye şerwanîya tewr pîle kenê, seba kulturê xoverdayîşî her wextî ra zêdêr bi qerardarî têgêrenê.

Nameyê TJK-E ser o ma wina qerardar ê ke qet yew cinîye zî do bêrêxistine nêmana. Ma emser xeta xurkerdişê çalakîyanê xo ser o vindenê. Ma do pê çalakîyanê xo hîşmendîya pederşahî teng bikera. Ma do çarçewa çalakîyanê xo de standan abikerê, xeyman abikerê û sînovîzyonan bimojnê. Rixmê şert û mercanê Korona zî ma do çalakîyanê xo bi rêxistin bikerê. Hetê bînî ra ma plan kenê ke meclîs, înîsîyatîf û komunanê cinîyan bizêdînê. Ma pê semîner û kombîyayîşanê online xîret kenê ke tesîrê janî kêm bikerê.''

Rojda derheqê plansazîya ameyoxî de wina vat: ''Xeylêk plansazîyê ma estê. Nika oyo girîng plansazîya çalakîyanê 9ê Çeleyî Qirkerdişê Parisî ya. Ma do emser zî xeylêk şaristanan de rayraşîyayîş û nawnayîşan bikerê. 6ê çeleyî de ma do çelenganê reşan verê Konsolosxaneyê Fransa de ronê. Meclîsê TJK-E her çarşeme stantanê îmza akenê. Çele û sibate de çalakîyê hukmkerdişê dîktatorî do dewam bikerê. 

Menga adare de ma do pêro Ewropa de sempozyumêk serûber bikerê û netîceyanê kursanê nîqaşî bercnê. Seba hukmkerdişê dîktatorî ma asta huqûqî de game bierzê.''