TJK-E bi eşkerayîyêke Sakîne Cansiz (Sara), Fîdane Dogan (Rojbîne) û  Leyla Şaylemez (Ronahî) ê ke 8 serrî verî Qirkerdişê Parisî de ameyî qetilkerdene yad kerdî.

TJK-E da zanayene ke qirkerdiş hema zî nêame roşnîkerdene û hema zî dewleta tirke Girê Sipî, Efrîn, Serêkanîyê û parçeyanê bînan ê Kurdîstanî de qirkerdişan kena.

Eşkerayîya TJK-E wina dewam kena: ''Ma embazanê xo Sara, Rojbîne û Ronahî bi minet û rêzdarî yad kenê. No qirkerdiş bi fermanê Erdoganî hetê MÎTî ra ame kerdene. Dewleta Fransa zî no qirkerdiş mîyan kerd. Bi Kampanyaya '100 Sebebê Seba Hukmkerdişê Dîktatorî' ya ma qirkerdişê AKP û Erdoganî do bêrê cezakerdene. Seba hukmkerdişê Erdoganî zaf sebebî estê û înan ra oyo verên zî Qirkerdişê Parisî yo.

Seba ke hesabê Qirkerdişê Parisî bêro persayene û Erdogan bêro hukmkerdene 6ê çeleyî de verê Konsolosxaneyê Fransa de, 9ê çeleyî de sere de Paris, Almanya, Belçîka, Hollanda, Swîsre, Îskandînavya, Avusturya, Kanada, Îngilîstan, Îtalya û pêro welatanê Ewropa de ma do meydanan de bê.''