Têgêrayîşê Cinîyan ê Kurdan ê Ewropa (TJK-E) eşkerayîyêke daye.

Eşkerayîya TJK-E bi kilmî wina ya:

''Ma serrêka bîne xo pey de verdaye. Wext musneno ma ke sey Sara (Sakîne Cansiz) xo ver bidê. Ma ruhê wextî raştîya roşnîya Sakîne Cansiz, Fîdane Dogan û Leyla Şaylemez ra fam kenê. Wext venga ma dano ke serê rayîrê Şorişê Cinîyan de şorê.

Coka ma do cigêrayîşê edaletî ra û caardişê edaletî ra fek vera nêdê. Ma do sey cinîyan ê kurdan sey Saraya ke bi şorişî bawer kerdêne awankerdişê şorişî ra fek vera nêdê. Ma do nê 11 serran de efû nêkerd ke şima senî qirkerdişê ma seyr kerdê. 

Rixmo ke bi qeydanê vengan, dokumentan û têkilîyan vejîya werte ke Sakîne Cansiz, Fîdane Dogan û Leyla Şaylemez hetê MÎTî ra ameyê qetilkerdene şima bêveng mendî.Rîyê bêvengîya şima ra 23yê kanûna 2022yî de zî embazê ma Evîne Goyî, Mîr Perwer û Abdurrahman Kizil bi senaryoyo ke şima nuşto ameyî qetilkerdene.

Rayber Apoyî 23yê sibata 2013î de pêvînayîşê heyetî de vatbi 'Ha Sakîne kişîyaya ha ma kişîyayê' û armancê nê qirkerdişî eşkera kerdbî. Muqtedîran ne bi qirkerdişê Sakîne, ne bi tecrîdê Îmraliyî ne zî qirkerdişê serkêşanê ma yê bînan netîceyêke nêgirewte. Muqtedîrî nêeşkayî verê rayraşîyayîşê ma yê azadîye bigêrê. Raştîya Sara ewro îlham dana pêro cinîyan ê kurdan.

Ma muqtedîran rê vanê ke pêro qirkerdiş û komployê  ke Îmraliyî ra heta Parisî şima plan kerdê, vera nînan tênêgêrayê, serê nînan girewto do nêeşkê xoverdayîşê kurdan bişiknê û verê averşîyayîşê şorişê cinîyan bigêrê. Hêrs û têkoşînê ma do edaletî bîyarê ca û Parisî tarîtîya 11 serran ra do bixelisnê.

Sey des serranê verênan ma do anxcî biherikê Parisî. Ma do bipersê ke '2013 ra heta 2024î Paris binê tarîtîye de yo, edalet kamca de yo?' Ma pê bawer ê ke şarê ma do veng bido vengê ma û cewabê qirkeran û hemkaranê ci bido.''