Têgêrayîşê Cinîyan ê Kurdan ê Ewropa (TJK-E) derheqê hêrişanê dewleta tirke yê serê Şengalî de eşkerayîyêka nuştekîye daye.

Eşkerayîye wina ya:

"Dewleta tirke ya faşîste 15ê çeleyî de reyna hêrişê waranê sivîlan ê Şengalî kerd. Bêguman nê hêrişê dewleta tirke ya faşîste vera hêvîya azadîye û şorişê cinîye yê Rojhelatê Mîyanênî yê. Nê hêrişî dewamê zîhnîyetê gemarinî yê vera şaran ê. Dîktatorîya AKPyî û Erdoganî bi polîtîkayanê Neo-Osmanijan wazena Rojawan û Şengal îşxal bikera û derbe piroda statuyê kurdanê herême.

Têkoşînê vera îşxalî û faşîzmî meşrû yo. Ganî ma nê heqê xo heta peynîye bixebitnê. Barbarîya ke cinîyanê kurdan rê yenê kerdene verê çiman de ya. Coka bi taybetî ganî cinîyî Şengal bipawê , wayîrê ci bivejîyê. AKP û Erdogan hemkarê DAÎŞî yê. Fikrê înan ê seba cinîyan koledarî yo. Cinîyî ganî na rastîye bivînê û her kesî ra verî bivejîyê meydanan û vera qirkerdişanê dewleta tirke wurzê payan ser.

Vera nê hêrişanê dewleta tirke sere de cinîyî ganî şarê kurdî û dostê înan rawurzê û 18ê çeleyî de bivejîyê meydanan û têkoşîn geş bikerê. Seba wayîrvejîyayîşê Şengalî yo ke şorişê cinîyan o, seba çinkerdişê hêrişanê qirkeran û îşxalî ma bivejîyê meydanan. Ganî nêro vîrkerdene ke ma pîya eşkenê faşîzm birijnê û azadîye awan bikerê."